Cara a Folga Feminista

Cara a Folga Feminista

O Movemento Feminista fai pública a convocatoria oficial de FOLGA XERAL FEMINISTA para o próximo 8 de Marzo. Esta iniciativa súmase á campaña pola Folga Internacional de Mulleres realizada polas feministas en distintos países do mundo.

Facemos folga porque nos queremos libres e vivas

Facemos folga porque nos queremos libres e vivas

Xuntamos á convocatoria de Folga Feminista proposta por varios colectivos, grupos de mulleres e feministas de multitude de ámbitos e territorios. Por iso animamos a secundala e a participar nas manifestacións e actos que se van desenvolver o 8 de marzo nas diferentes cidades e vilas do país.

Folga estudantil

Folga estudantil

Queremos parar nos colexios, institutos e universidades porque o sistema educativo en todas as súas etapas é o principal espazo de socialización no que se reproduce o actual sistema capitalista e patriarcal e está moi lonxe de ser un espazo no que se crece en equidade e igualdade social.

Folga de consumo

Folga de consumo

Queremos parar de consumir, parar os mercados dos nosos barrios e vilas, non haberá froiteiras, carniceiras, pescantinas, non haberá consumidoras. Queremos parar as nosas vilas e cidades pero tamén queremos construír estratexias de consumo alternativo, que respecten os nosos dereitos e as nosas vidas.